ZATOZ ZORNOTZAKO BARNETEGIRA - UDA 2026
Udako ikastaroak uztaila-iraila bitartean eskaintzen dira. Udako ikastaroak 12 eguneko iraupena dute eta egunean 8 eskola-ordu eskaintzen dira, bi modalitateetan: pentsio osoa edo pentsio erdia.
Orain duzu HABEren azterketak edo bestelako oposizioetako euskara-probak prestatzeko aukera ezin hobea.
Hona hemen gure udako ikastaroak, prezio eta egutegi eguneratuarekin.
Egutegia eta prezioak*
| Ikastaroa | Iraupena | Prezioa pentsio osoan | Prezioa pentsio erdian |
| Ekainaren 29tik uztailaren 10era | 12 egun | 530,00 € | 450,00 € |
| Uztailaren 13tik 24ra | 12 egun | 530,00 € | 450,00 € |
| Abuztuaren 3tik 14ra | 12 egun | 530,00 € | 450,00 € |
| Abuztuaren 17tik 28ra | 12 egun | 530,00 € | 450,00 € |
| Abuztuaren 31tik irailaren 11ra | 12 egun | 530,00 € | 450,00 € |
| Irailaren 14tik 30era (asteburuetan itxita)** | 13 egun | 570,00 € | 485,00 € |
*Prezioetan ostatu eta mantenu zerbitzuak sartzen dira.
**Irailaren 14tik 30era bitarteko ikastaroan, ostiraletan 18:00etan itxiko da barnetegia, eta asteburu osoan itxita egongo da, astelehenera arte.
Deskargatu egutegi osoa PDF formatuan
Gogoratu prezio bereziak daudela HABEren dirulaguntzaz 16 eta 18 urte bitarteko ikasleentzat C1 azterketa prestatzeko eta A1 eta A2 mailetarako. Informazio gehiago eta dirulaguntzak jasotzeko baldintzak ezagutzeko sakatu hemen.
Udako ordutegia
Udako ikastaroak astelehenean hasi eta hurrengo asteko ostiralean bukatzen dira. Hau da, 12 egun lektibo dira jarraian, asteburua barne. (Ikastaroen bitarteko asteburuetan Barnetegia itxita egongo da.)
Udako ordutegia |
| Gosaria: 8:00 |
| Goizeko eskolak: 8:30-14:00 |
| Bazkaria: 14:00 |
| Arratsaldeko eskolak: 15:00-18:00 |
| Kanpo-ekintzak: 18:15-20:30 |
| Afaria: 21:00 |
| Mahai-jokoak eta filmak: 21:30 |
| Isiltasuna: 24:00 |
| Idazkaritza: Zabalik 24 orduan |
Matrikula egiteko aukerak
Egonaldiari dagokionez, aukera bi dituzte ikasleek:
- Barne gelditzea - pentsio osokoak: eskolak eta egonaldia pentsio osoan (gosaria, bazkaria, afaria).
- Etxera joan lo egitera - pentsio erdia: eskolak eta bazkaria. Kanpo-ekintzetan esku hartzea dute.
Zornotzako Barnetegian matrikulatzeko ikasleen gutxieneko adina 16 urtekoa da (matrikulatzeko unean beteta, edota matrikulazioa gauzatzen den urte naturalean betetzekoa).
Dirulaguntzak
Zornotzako Barnetegia HABEk homologatutako euskaltegia da eta, ondorioz, honako dirulaguntzak dituzu aukeran: DIRULAGUNTZAK.
Gure deskontuak: udako ikastaroetan (pentsio erdian zein osoan) bi ikasle batera matrikulatzen badira %25eko deskontua aplikatuko zaio ikasle bakoitzari. Gauzak lagunekin egitea beti errazagoa da!
Deskontuak eta dirulaguntzak ezin dira metatu.