Zornotzako Barnetegia HABEk homologatutako euskaltegia da eta, ondorioz, honako dirulaguntzak dituzu aukeran:
EAEko ikasleentzako dirulaguntzak:
HABE > Ikasturtean zehar euskara-mailaren bat euskaltegiko edo autoikaskuntzarako zentro homologatuetako ebaluazioan gainditu edo HABEren egiaztatze-deialdietan agiria eskuratu edo maila horren baliokidea lortu duten ikasleek HABEren dirulaguntza eskuratu dezakete. Informazio gehiago, helbide honetan: https://www.habe.euskadi.eus/euskaltegietako-ikasleentzako-dirulaguntzak/s23-edukiak/eu/
LANBIDE-HABE Hitzarmena > Lanbide - Euskal Enplegu Zerbitzuak eta Helduen Alfabetatze eta Berreuskalduntzerako Erakundeak (HABE) akordioa egin dute, hizkuntza-gaikuntzako euskara-ikastaroak eskaintzeko Lanbidek profesional-ziurtagirirako programatutako prestakuntza-ekintzetan parte hartzen ari diren edo azken hiru urteotan horrelako ekintzak egin dituzten pertsonei, langabe zein landun. Informazio gehiago, helbide honetan: http://apps.lanbide.euskadi.net/apps/FR_CURSOS_HABE?LG=E
Udalak > Hainbat dira euskara ikastaroak diruz laguntzen dituzten udalak, besteak beste, honako hauek: Bilbo, Donostia, Gasteiz, Amorebieta-Etxano, Durango, Elorrio, Erandio… Informazio gehiago, zure udalean.
Administrazioko langileak > Euskal Autonomia Erkidegoko administrazio publikoko langileek dagokien erakundean eska dezakete euskara ikasteko dirulaguntza: Osakidetza, Hezkuntza, Udalak… Informazio gehiago, zure erakundean.