Bloga

Udako ikastaroak amaitzear daude, baina gu ez gara gelditu eta gelditzeko asmorik ere ez!
Egun hauetan Añanara joan gara; Iñaki Iza ezagutu dugu, pilotaria; Laidara joan gara, kayak egitera; Bizkargira ere igo gara.
Honelako bista ederrak ikusi dituzue beste inon?
Zornotzako Barnetegian ez duzue bakarrik euskara ikasten, euskaraz bizitzeko aukera ere izango duzue!

Hona hemen hilabete honetan egin ditugun ekintzetako argazkiak. Urriko ikastaroa bukatu da, baina astelehenean bueltan izango gara azarokoarekin! Ordura arte, gozatu argazkiekin eta, nola ez, aprobetxatu asteburua!!

#GuHemenGaude #irekita

#aurrezaurrekoak #telematikoak #online

Badator, badator... Euskaraldia 2020! Bai, lagunok! Hilabete baino gutxiago falta da aurtengo ariketa soziala martxan jarri eta euskara kanpora ateratzeko, baita barrura sartzeko ere! Kanpora, kalera, plazara, parkera, mendira, edonora! Barrura, etxera, lanera, dendara, ikuskizunetara, denera!

Gogoratuko duzuenez, joan den astean, ikastaro telematikoen funtzionamendua azaldu genizuen. Zer diren, nola antolatzen ditugun, zein aukera eskaintzen dugun eta abar. Gaur, berriz, barnetegian bertan ematen ditugun aurrez aurreko eskolen inguruan idatziko dugu.

Nola aldatu da gure etxea eskola presentzialak eman ahal izateko? Eta bertan jateko, lo egiteko, hau da, bizitzeko? Hori argituko dizuegu gaur. Testuaren azpiko galerian argazkiak jarri ditugu, sarritan irudiekin ulertzen baita hitzekin baino hobeto! 

SARRERA/IRTEERAK

Telematikoa gora, telematikoa behera, zenbat aldiz entzun eta esan ote dugu #telematiko hitza azkenaldian? Baina zer da telematikoa? Nolakoa da ikastaro telematiko bat? Nola dago antolatuta? Horixe erantzungo dugu gaur hementxe.

Bai, jakin badakigu duela gutxi sartu garela udazkenean, eta negua urruti dagoela oraindik, baina, aizue! Neguko ikastaroak martxan dira gurean! Atzo hasi eta ekaina bukatu arte hilabetero izango duzue euskara ikasteari ekiteko (edo jarraitzeko) bidea gurean! Oraindik izena emateko garaiz zabiltzate, bizkor ibili!!

Urria ekaina bitartean astean sei orduko ikastaro telematikoak.

• Ikasturte osoko ikastaroak urrian hasi eta ekainera arte.
• Astean bitan, egunean hiru ordu.
• Mailak > A2 - B1 - B2 - C1 

Ikasle batek bere esperientzia azaldu digu:

Gaurko sarrera Ana Barrera lankideak bidali digu; bera aritu da irakasle Etxepareko ikasle taldeekin, egoerak behartuta online egin dugun Barnetegian. Balorazioa ona izan da ikasleen aldetik eta horrek asko pozten gaitu.

Badakigu beraiek hemen euskaraz bizitzeko gogo itzela zutela, eta bizi dugun egoerak hori oztopatu duen arren, euskara eta euskal kultura hurbiletik ezagutu ahal izan dute, online izan bada ere. Espero dugu datorren urtean, berriz ere, mundu zabaletik gurera etorri ahal izatea hainbat eta hainbat ikasle euskalzale.