Bloga

Gaurko sarrera Ana Barrera lankideak bidali digu; bera aritu da irakasle Etxepareko ikasle taldeekin, egoerak behartuta online egin dugun Barnetegian. Balorazioa ona izan da ikasleen aldetik eta horrek asko pozten gaitu.

Badakigu beraiek hemen euskaraz bizitzeko gogo itzela zutela, eta bizi dugun egoerak hori oztopatu duen arren, euskara eta euskal kultura hurbiletik ezagutu ahal izan dute, online izan bada ere. Espero dugu datorren urtean, berriz ere, mundu zabaletik gurera etorri ahal izatea hainbat eta hainbat ikasle euskalzale.

Dakizuenez, normaltasun berria deritzon honetara egokituta hasi genituen udako ikastaroak duela pare bat aste. Bai etxea, bai langileak erabat egokituta eta prest izan gara lehen egunetik, eta etorri diren ikasleek ere erantzun ezin hobea eman diote aurrean izan dugun erronkari. Aldaketak izan ditugu, bai, baina, emaitza ikusita, esan dezakegu denok kontzientzia hartuta eta egoeraren berezitasuna erabat barneratuta izan ditugula. Hona hemen labur-labur ikastaroaren nondik norakoak (eta zenbait argazki!)

Udako egun lasaiak hortxe bertan ditugu, eta atseden hartzeko garai ezin hobea izango dugu, bai lanetik, bai konfinamendutik, bai azterketa eta ikasketetatik urrunduta. Dakizuenez gure etxea zabalik egongo da bertara etorri nahi duzuenontzat, eta horrez gain, modu telematikoan ere ibiliko gara, online ikastaroekin. Badago, beraz, non aukeratu uda lasai eta euskaraz bizi nahi izanez gero!

Aste honetan EuWikipediak martxan jarri duen Wiki Bizi Euskal Herria ekimenaren inguruan idaztera gatoz. Dakizuenez, azken hilabeteotan bizi izan dugun egoerak uda parterako planak aldatu beharra ekarri dio jende askori, batez ere, kanpora joateko ohitura dutenei. Sarritan ez gara konturatzen, baina kanpoko edo urrutiko lurrak bertakoak eta hurbilekoak baino askoz hobeto ezagutzen ditugu. Baliteke alboko herrian toki eder eta interesgarriak izatea, baina, hala ere, guk horren berri ez izatea norbaitek esaten digun arte.

Sarri entzun izan dugu irakasleok eskaera bera ikasleen artean. Zergatik ez dago sarean ondo egindako idazlanen eredurik? Edo hobeto esanda, eredu gehiago? Zer dela eta ez dira euskara ikasle guztion artean partekatzen?

Galdera horiek ezin ditugu erantzun, baina hutsune hori hor egon da luzaroan, eta, egia da; euskara irakasten dugun zentro guztietan sortzen den beste idazlan kontuan hartuta, materiala sobera daukagu elkarri laguntzeko; bestela esanda, onak diren lanak guztion eskura jartzeko, denok ikus ditzagun eta eurekin ere ikas dezagun.

Azken hilabeteotan denok ikusi ahal izan dugu euskaraz sortutako baliabideek izan duten gorakada sare-sozialetan. Esparru guztietan erabateko izan da materiala sortu zein partekatzeko joera. Hezkuntzarako materiala eta baliabideak, kultura jarduerak, edozelako eta edozertarako tutorialak...