📢 IVAPeko deialdia: Gida eta datak
IVAPeko azterketak prestatzen ari bazara, adi! Otsailaren 2an argitaratu da deialdi berria eta prozesua martxan dago. Zure ikasketak antolatzen laguntzeko, hona hemen prozesuaren egutegi osoa eta xehetasun nagusiak.
🗓️ Izena ematea
Eskaerak egiteko epea otsailaren 3tik 16ra bitartekoa da (biak barne). Ez utzi azken egunerako!
Ondoren, zerrendak gainbegiratu beharko dituzu:
- Otsailak 26: Onartuen eta baztertuen behin-behineko zerrenda.
- Martxoak 18: Behin betiko zerrenda.
✍️ Idatzizko azterketa: BECen
Idatzizko proba apirilaren 25ean egingo da, Barakaldoko BECen.
Garrantzitsua: Martxoaren 18an argitaratuko dira zehazki pabiloien banaketa eta ordutegiak. Emaitzak jakiteko, ordea, maiatzaren 29ra arte itxaron beharko dugu; egun horretatik aurrera egongo dira ikusgai AZTERNETen.
🗣️ Ahozko azterketa: Azken txanpa
Idatzizkoa gainditzen baduzu, ahozkoaren txanda izango da. Hona hemen gakoak:
- Datak: Ekainaren 10ean, 11n eta 12an. (Azterketarien kopurua aintzat hartuta erabakiko da zenbat egunetan egingo den).
- Deialdia: Maiatzaren 29an jakingo duzu ahozkorako deituta zauden, AZTERNETen ikusgai izango duzu.
💡 Aholkua: Erabili AZTERNET ataria prozesuaren jarraipena egiteko, hor argitaratuko baita zure informazio guztia.
Zorte on prozesuarekin eta ekin ikasteari!