2021/12/23

Barnetegia Gabonetan zer?

Zorionak eta Urte Berri On 2022

Negua hasi da eta urtea badoa, 
logelak zarratu, ikasgelak itxi,
ikasleei agur esan eta bagoaz.
Bukatu da abenduko ikastaroa!

Gabonak bidean, hotza kalean,
senideekin egon nahi
baina, batzuk, ezinean.
Zaindu gaitezen, 
eta zaindu ditzagun besteak,
ahalik eta ondoen has dezagun datorren urtea.

Erregeen ostean hasiko gara berriro martxan.
Bai, bai, urtarrilaren 10ean!

Beraz, gogoratu,
euskaraz bizi nahi baduzue datorren urtean,
zabalik izango dituzuela, gure etxeko ateak.

Gehiago irakurri
2021/12/09

Euskararen eguna Barnetegian

Euskararen eguna ospatzen

Joan den abenduaren 3an Euskararen Nazioarteko Eguna ospatzeko, ikasleei zera eskatu diegu: euskal kantutegiko esaldi ederrenak, esanguratsuenak edota gustukoenak aukeratu eta margo ditzatela.

Argazki honetan duzue lortutako emaitza, eta baietz ezagutu bertan irakur daitezkeen esaldi asko eta asko! Itzelak zarete, kuadrilla!

Eskerrik asko!!

Gehiago irakurri
2021/12/09

Euskararen Eguna ospatzeko lehiaketaren emaitzak

Lehiaketa - ikastaro doan

Euskararen Nazioarteko Eguna ospatzeko, bi ekimen jarri ditugu martxan Barnetegian aurten. Hemen ikus dezakezuena da lehena, gure argazki lehiaketa, hain zuzen ere! Eta, bigarrena, hurrengo blog sarreran ikus dezakezue.

Lehiaketan Parte hartzea librea izan da, eta gin beharrekoa, erraza eta polita: zer da zuretzat euskara, zertan aldatu du zure bizimodua, ikuspuntua, bidea…?

Galdera horri erantzuteko, esaldi labur batez lagundutako argazkia bidali behar izan da, eta erantzun oso ona izan dugu. Jarraian ikus ditzakezue, irabazlearen lana, baita gainontzekoenak ere.

Gehiago irakurri