Hemen zaude

2018/07/21

Heziketa ikuspuntu desberdin batetik

Aste honetan, gure ikasle izandako Josu Barrenetxearen hitzak irakurri ahalko dituzue hemen. Hezkuntza proiektu desberdin bat martxan jarri nahi duen eskola bateko partaide dugu bera eta hark egindako idatzia duzue jarraian irakurgai. Etorkizuneko hezkuntza izango ote da? Nork daki! Badaezpada, irakurtzea gomendatzen dizuegu.

Gehiago irakurri
2018/07/13

Aitzakiarik ez!

Sarritan, udako egun eder hauekin, nahiago izaten dugu hondartzara, mendira edo beste edozein lekutara joan, liburutegira hurbildu baino. Hala ere, aipatutako toki horietan liburu eder bat irakurtzea udako plazeretako bat dugu. Beraz, erdiko bidea aurkitu behar!

Seguruenik, Euskadiko Irakurketa Publikoko Sareko bazkide zaretenok, ezagutuko duzue eLiburutegia eta honen erabilera, eta gainontzekook ez; baina, badaezpada guztiontzat gaurko blogeko sarrera hau.

Di-da baten azalduko dizuegu nola erabili, albait arinen goza dezazuen!

Gehiago irakurri
2018/07/06

Umore onean!

Joan den igandean gaueko 22.00etan izan zen ETB1eko “Hauxa2” saioaren  hasiera. Onintza Enbeita (@onintzaenbeita) eta Ana Goitiak (@Anatxuchic) aurkezten dute eta bien poza eta umorearekin hainbeste barre eginarazi ziguten ikusle geundenoi.

Lekeitioko etxe bat alokatu eta, bertatik, bizitzaz eta sortzen zaizkigun zalantzez eta gai garrantzitsuez hitz egin eta hausnartzen dute. Joan den igandean maitasuna izan zuten aztergai. Ez daude bakarrik baina! Herriko jendea, auzokideak eta abar ere haiekin bat eginda ibiltzen dira saltsa berean. Umore onez!

Gehiago irakurri
2018/06/29

Ikasle guztioi!

Ailegatu da ekainaren azken ostirala, eta horrekin batera, neguaren amaiera. Bai, lagunok, gaur bukatzen da ofizialki negua, Zornotzako Barnetegian; eta asteburuan, energia hartuko dugu ofizialki astelehenean hasiko den udari gogoz eta gogor ekiteko!

Gehiago irakurri
2018/06/15

Lan eta bizi, euskaraz!

Lansarean erremintak App-a dauka. Zer esan nahi duen horrek? Ba, lana euskaraz bilatu edota eskaintzea inoiz baino errazagoa eta erosoagoa dela, kudeatzeko aukera poltsikoan dugu-eta.

Gehiago irakurri
2018/06/08

Irakurtzen baduzu, Irakurri dut

Hizkuntzak ikasten ari garenean, irakurtzea da ikasteko modurik informal eta naturalena; tarte libreak ditugunean, irakurtzea da bidaiatzeko modurik merkeena; garai, gai edota gertakari baten gaineko jakin-mina dugunean, irakurtzea da asetzeko modurik errazena. Ez da, beraz, zaletasun makala gutako batzuek duguna. Partekatuko dugu, ala?

Gehiago irakurri
2018/06/01

Zirt ala Zart?

Batzuek dakizuen moduan, bada hilabete Facebooken ZirtAlaZart ekimena martxan jarri genuela. Eta esan behar dugu oso pozik gaudela orain arte lortutako emaitzak direla-eta; izan ere, zuon parte hartzeak gustatzen zaizuela adierazten digu. Ez al da poztekoa?

Gehiago irakurri
2018/05/18

Artizarra: lan eta bizi, euskaraz

500 lagun batzeko bidean doa duela 10 egun besterik ez aurkeztutako Artizarra; alegia, aditu euskaldunen sare soziala. Ezagutzen duzue?

Ondo dakigu denok ere Linkedin zer den. Are gehiago, zuetako askok, ziur asko, profila izan izango duzue. Baina ea! Zenbat bider abestu duzue zuok “Euskal Herrian euskaraz nahi dugu hitz eta jolas; lan eta bizi, euskaraz eta…” Bada, badakizue kantak zelan jarraitzen duen, ezta? “… hortara goaz!”

Gehiago irakurri
2018/05/11

#HamarMilaBaietz-erako hamaika arrazoi!

Itzela da;  hunkigarria, 12 urteko neska batek idatzitako gutunak izan duen eragina. Hauxe izan zen bere eskaera: Realaren eta Athleticen arteko nesken derbia Anoetan jokatzea; gizonena jokatzen den moduan. Eta hauxe, lorpena: igandean, maiatzak 13, arratsaldeko lauretan, lehenengoz izango dugu aukera gure taldeetako neskak Anoetan elkarren aurka jokatzen ikusteko; ez ahal dugu zelaia beteko?

Igandekoa ez da edozelako partidua izango; are gehiago, partidua baino gehiago izango da, eta horregatik, zelaia bete egin behar dugu!

Horregatik eta…

Gehiago irakurri
2018/05/04

Ailegatu da egun ziragarria

Beti da ohorea gurean Marisa Barrena hartzea, baina gaurko ohorea bereziagoa da, nolabait; izan ere, hilabete batzuk buru-belarri lanean ibili ostean, heldu da egun handia; heldu da Hitzez eta Ahotsez ekitaldiko Jendaurreko Irakurtaldia. Ikus dezagun, bada, Marisak zelan ikusten duen literatura ekimena.

Gehiago irakurri

Orriak